ባልደራስ Balderas logo
  • ዋና ገጽ
  • ዜና
  • ጋዜጣዊ መግለጫ
  • ፖ/ፕሮግራም
  • ምርጫ 2013
  • ባልደራስ ጋዜጣ
  • አባል ይሁኑ

About Us | Contact Us | Sitemap |
July 30, 2021

” የምርጫ ውጤቱ ተቀባይነት የለውም። ድምፅ ተዘርፏል”

” የምርጫ ውጤቱ ተቀባይነት የለውም። ድምፅ ተዘርፏል”

የስድስተኛው ሀገር አቀፍ ምርጫ በተለይ የአዲስ አባባ የቅድመ ምርጫ ሂደት እና የድህረ ምርጫ የነጻ፣ የፍትሃዊነት እና የዴሞክራሲያዊ መመዘኛዎችን የማያሟላ መሆኑን ባልደራስ ለእውነተኛ ዴሞክራሲ ፓርቲ አስታውቋል።

“ገዥው ፓርቲ በዋና ፈፃሚነት፤ ምርጫ ቦርድ በተባባሪነት ዘርፈውታል። ይህም በመሆኑ በፍርድ ቤት ክስ መስርቻለው” ብሏል ፓርቲው ዛሬ ሐምሌ 24 ቀን 2013 ዓ.ም. ይፋ ባደረገው የምርመራ ውጤት።

የኢትዮጵያ ብሔራዊ ምርጫ ቦርድ ይፋ ባደረገው የመጨረሻው የመራጮች ምዝገባ አሀዝ መሰረት በአዲስ አበባ 1.4 ሚሊዮን መራጮች ተመዝግበዋል። ይኸው ቦርድ አጠቃላይ የምርጫ ውጤቱን ይፋ ባደረገበት ዕለት እንዳስታወቀው ደግሞ በከተማዋ 1.8 ሚሊዮን ዜጎች ድምፅ ሰጥተዋል። ይህም አራት መቶ ሺህ ዜጎች በምርጫ ቦርድ ሳይመዘገቡ መምረጣቸውን ያረጋግጣል። በመሆኑም ዝርፊያውን የራሱ የምርጫ ቦርድ ሪፖርት የሚያረጋግጥ መሆኑን ባልደራስ ጠቁሟል።

በአዲስ አበባ የቅድመ ምርጫ ሂደትን አስመልክቶ ከዚህ ቀደም ሰኔ 1ቀን 2013 ዓ.ም. በ25 ገጾች በተዘጋጀው የዳሰሳ ጥናት የእጩዎች፣ መራጮች እና የፓርቲ አባላት የደህንነት ሁኔታ፤ በምርጫ ቅስቀሳ ወቅት የታዩ
መሰናክሎችን እና በምርጫ ቦርድ በኩል የታዩ ችግሮች፣ የምርጫ አስፈጻሚዎች ፣ የመራጮች መዝገብባ እና የመገናኛ ብዙሃን አጠቃቀምን አስመልክቶ ከፍተኛ ችግር የነበረበት እና የምርጫ መመዘኛ ትንሹን መስፈርት ያላሟላ እንደነበር ገልጿል።

ከዚሁ ጋር በተያያዘ 6ተኛው ሀገራዊ ምርጫ የአዲስ አበባ ምርጫ እና ድህረ ምርጫ ሂደትን በተመለከተ ባልደራስ ያካሄደውን የጥናት ውጤት በዋናው ቢሮ በዛሬው ዕለት በተጠራው ጋዜጣዊ መግለጫ ይፋ አድርጓል ። የጥናት ውጤቱ በ30 ገጾች እና በ8 ምዕራፎች የተከፋፈለ ነው። የሚከተሉትን አንኳር ጉዳዮችም ዳሷል፦

~ የድምፅ አሰጣጡን ስነ-ስርዓት እና የቆጠራ ሂደቱን

~ በድምፅ አሰጣጥ ሂደት በድምፅ መስጫ ወረቀቶች ላይ የታዩ ክፍተቶችን

~ የቅሬታ አፈታት

~ የፓርቲ ወኪሎች ያጋጠሟቸው ተግዳሮቶች

~የምርጫ አስፈፃሚዎች ማንነት እና ያሳዩዋቸው ተግባራት

~ የብልፅግና ፓርቲ አመራሮች የነበራቸውን አሉታዊ ተፅዕኖ

~ በመራጮች ላይ የተፈጠሩ ጫናዎች

~ የምርጫ ጣቢያዎችን እና የምርጫ አዋጁን መቃኘት

በአጠቃላይ በድምፅ መስጫው ቀን እና በድህረ ምርጫው ቀናት የታዩ ህገ ወጥ ተግባራትን ዳሷል። መረጃዎችን እና ማስረጃዎችን ሳይናሳዊ እና አስረጂ በሆኑ የአጠናን ስልቶች አቅርቧል።

ሙሉ መግለጫውን ለማንበብ እዚህ ይጫኑ።

 

ለባልደራስ ክስ ምርጫ ቦርድ ነገ በፍርድ ቤት መልስ ያቀርባል ! መንግሥት በእነ እስክንድር ነጋ ላይ የመሰረተው ሀሰተኛ ክስ በአስቸኳይ ይቋረጥ !

Related Posts

ጋዜጣዊ መግለጫ

በግፍ እስር ላይ የሚገኙት አቶ ናትናኤል ያለምዘውድ እና አቶ ካሳሁን ደስታ እስር ህገ ወጥ በመሆኑ የገዥው ፓርቲ እንዲፈታቸው ባልደራስ አበክሮ ያሳስባል

ጋዜጣዊ መግለጫ

በኦሮሚያ ክልል በፅንፈኛ የኦሮሞ ብሔርተኞች ፕሮግራማዊ ተልእኮ እየተመራ ያለው የአማራን ዘር የማጥፋት ኢ-ሰብዓዊና አፀያፊ ድርጊት ሊቆም ይገባል

ጋዜጣዊ መግለጫ

የደራ አማራን የዘር ጭፍጨፋ አስመልክቶ ከባልደራስ ፓርቲ የተሰጠ መግለጫ

Recent Posts

  • ሁለቱም የግፍ እስረኞች ለ ታህሳስ 19 ተቀጠሩ December 26, 2022
ባልደራስ Balderas logo
  • ዋና ገጽ
  • ዜና
  • ጋዜጣዊ መግለጫ
  • ፖ/ፕሮግራም
  • ምርጫ 2013
  • ባልደራስ ጋዜጣ
  • አባል ይሁኑ

ድል ለዲሞክራሲ!!!

© ባልደራስ ለእውነተኛ ዲሞክራሲ Balderas for true democracy 2021