መሶበወርቅ ቅጣው

#ፈረንሳይ_ለጋሲዮን የምርጫ ክልል 12/13

የአምባገነኖች ሥርዓት በእውነተኛ ዲሞክራሲያዊ ሥርዓት ለመተካት ምርጫው ቁልፍ መሣሪያ ነው !!

መሶበወርቅ ቅጣው እባላለሁ። የባልደራስ ለእውነተኛ ዲሞክራሲ ፓርቲ በአዲስ አበባ ከተማ የምርጫ ክልል 12/13 የፌደራሉ የሕዝብ ተወካዮች ምክር ቤት እጩ ነኝ። በኢትዮጵያ ቋንቋዎችና ሥነ ጽሑፍ – የመጀመሪያ ዲግሪ እና በኢትዮጵያ ሥነ ጽሑፍና ፎክሎር – የማስተርስ ዲግሪ አለኝ። በአሁን ወቅት ደግሞ የፎክሎር የፒ. ኤች. ዲ. ተማሪ ነኝ።

በዜጎች ላይ ማንነታቸውን እና ሀይማኖታቸውን መነሻ በማድረግ እየደረሰባቸው ያለውን የዘር ማጥፋትና ኢሰብአዊ ጭፍጨፋ ፓርቲያችን ባልደራስ አጥብቆ ይቃወማል። በመዲናችን አዲስ አበባ ዘርን መሠረት በማድረግ እየደረሱ ያሉ በርካታ ችግሮችን አስወግዶ ሰላም፣ እኩልነትና ዲሞክራሲያዊ አሠራር እንዲሰፍን ባልደራስ ጠንክሮ እየሠራ ይገኛል።

በሀገርና በሕዝብ ላይ እየደረሰ ያለውን አስከፊ የአምባገነኖች ሥርዓት በእውነተኛ ዲሞክራሲያዊ ሥርዓት ለመተካት ምርጫው ቁልፍ መሣሪያ ነው።

የተወደዳችሁና የተከበራችሁ ወገኖቻችን!!! ህልውናችንን ለማስከበር ወሳኝ የሆነውን የምርጫ ካርድ ጊዜው ሳያልፍ እንድታወጡ በትህትና እጠይቃለሁ።
ድል ለእውነተኛ ለዲሞክራሲ!!!